د اګيست په ٣١ مه نيټه د هند او پاکستان ترمنځ٥٥ تنه بنديان يو بل ته تسليم شويدی.دغه عمل د تېر کال د خپل منځی روابطو د ښه والی راهيسی د دواړو هېوادونو د متقابل اعتماد د پياوړتيا دپاره يو مشخص تدبير دی او په عين وخت کی د سپتمبر په سر کی د دواړو هېوادونو د خارجه وزيرانو ترمنځ د راتلونکو خبرو اترو نه مخکی يو دوستانه سلوک بلل کېږی.
د پاکستان دمطبوعاتی سرچينی په قول، هند او پاکستان د واګه د سرحدی څارنی په مرکز کی چی د پنجاب ولايت د مرکز لاهور ختيځ ته څه نا څه ٣٠ کيلو متره ليری دی د بنديانو د تبادلې دپاره يو لنډ مراسم پرځای کړل. د هند او پاکستان د داخلی چارو د وزارت يو شمېر مامورينو، ديپلوماتانو او د سرحدی پوځونو پرسونلو پکی ګډون درلود.
د معلوماتو سره سم د هند حکومت ١٩ تنه پاکستانی بنديان او د پاکستان حکومت ٣٦ تنه هندی بنديان خوشی کړل.
