د سين هوا اژانس د خبر له مخی، د افغانستان حکومتی پوځ د سپتمبر په ديرشمه نيټه د زابل په ولايت کښی د طالبانو له ماتی خوړلی وسله والو عناصرو سره شديده جګړه وکړه چه په نتيجه کښی دوولس تنه حکومتی پوځيان مړه شول٠
د زابل والی خيال محمدحسينی وويل چه د طالبانو وسله والو عناصرو په دی ورځ د دی ولايت د سوری د سيمې پر يوې حکومتی څانګې باندی حمله وکړه ٠ د دواړو خواوو په جګړه کښی د طالبانو څو تنه وسله وال عناصر هم مړه يا ټپيان شول، خو شمير يی معلوم نه دی٠
برسيره پر دی د طالبانو وسله والو عناصرو په ٢٩ او ٣٠ نيټه د زابل ولايت په نورو ځايونو کښی هم له حکومتی پوځ سره جګړې وکړې او په نتيجه کښی لږ تر لږه اووه تنه حکومتی عسکر مړه شول٠
