په بيجينګ کي د ماشومانو د ډرامی لومړنی هيأت لږه موده د مخه د بيجينګ د ختيځی ښاری سيمی د فن سی تينګ په نامه نمونوي ښوونځی کی جوړ شو چه په دي وجه دغه هيات د بيجينګ د ماشومانو د هنري ډلې په اړه د لومړی فرعي ډلې په حيث بدل شويدی ٠
په نوموړی نمونوی ښوونځی کی څه دپاسه پنځوس تنه شاګردان د ماشومانو له ډرامی سره ډيره علاقه لری ٠ د ښوونځی رئيس وويل چی د بيجينګ د ماشومانو د هنر د پوهاند په لارښوونی زمونږ په ښوونځی کی د ډرامی د ليکلو ، دايرکتر ، د سندری او نڅا کولو او د ښوونځی د ډرامی ګروپونه تاسيس شويدی او ماشومانو د درسی مضامينو په اساس ډيرې ډرامی ليکلې او نمايش ئی کړيدي ٠ د ماشومانو د ډرامی هيأت چی د شاګردانو لخوا په پخله جوړ شوي ، د تعليمی اصلاحاتو يوه برخه ده او له دې څخه څرګنديږی چی په ښوونځی کی شاګردان نه يوازي درس لولي ، بلکی بايد د ژبې په واسطه د خپلو احساساتو د څرګندولو ، همکاريو او د ښکلا پيژندنې په شمول هره اړخيزه روزنه ومني او د ماشومانو د ډرامو نمايش د پورتني تربيت د منلو ډيره ښه طريقه ګڼل کيږي ٠
د نوموړی ډلې د تاسيس نه وروسته د بيجينګ د ماشومانو د هنري هيأت هنرمندان ، ډرامه ليکوالان او دايرکتران په ټاکلی وخت کی دغه ښوونځی ته ځی څو چی د ډرامو د نمايش دپاره د ماشومانو روزنه وکړي ٠ د بيجينګ د ماشومانو هنري هيأت لخوا د ټاکل شوي پلان له مخی : دوی به په دوو او درو کالو کی د ډرامی ډلې د جوړولو دپاره د بيجينګ له هر ابتدائی ښوونځي سره مرسته وکړي څو چه ټول ماشومان د کوچنيتوب په موده کي د ډرامی روزنه ومني٠
کله چه مشهور هنرمند ليان ده جه هغه ډرامه چه د فن سی تينګ ابتدائی ښوونځی د ماشومانو لخوا د <<يوازنی اوريدونکی > >په نامه د درسي مضمون په اساس وښودله شوه ، وليده ، داسي يي وويل چی اوس په ابتدائی ښوونځی کی ډير کم ليدل کيږي چه د ماشومانو لخوا پخپله ډرامی اجرا کيږي . دده په نظر په هر لومړي ښوونځي کي داسي د ډرامې هيات جوړ شي څو چه د ماشومانو کيفيت په اړخيز ډول لوړ او بشپړ شي . هغه هيله څرګنده کړه چه اړوندې څانګې او هنرمندان د ډول ډول هنري هياتونو د جوړولو دپاره له ابتدايي ښوونځيو سره د مرستي لاسونه اوږد کړي .
