ګرانو اوريدونکو ، په اوسنی نړۍ کی يو شمير کسان په مخدرو موادو اخته شويدی ، څرګنده چی په افغانستان کی زيات مخدره مواد توليد کيږی٠ نو د مخدرو موادو څخه د ماشومانو ژغورل د لويانو په وړاندی يوه مهم دنده ده ٠
په اکثرو کورونو کی غړی ئی په هيڅوجه په مخدرو موادو اخته نه وي ، خو په يو شمير کورونو کی داسی حالت وار په واره پيدا کيږی چی غړی ئی د مخدرو موادو سره ملګری شويدی ، له دې څخه څرګنديږی چی کورني روزنه او تربيت له مخدرو موادو څخه د ماشومانو د ژغورل دپاره مهم رول لوبوی ٠
پوښتنه دا ده چه پلرونه ا وميندې څنګه خپلو اولادونو ته روزنه ورکړي چه د مخدرو موادو څخه ځان وساتي ؟ د مخدرو موادو سره په مبارزه کي پوهان داسی وړانديز کوی لومړی ، پلرونه او ميندی بايد د ماشومانو د سرمشق په حيث رول ولوبوی ځکه چی د پلرونو او ميندو عمل په ماشومانو باندي زياته اغيزه لري ٠ د مربوطو تحقيقاتو لمخی ، که چيری په کورنی کی لويان مخدره مواد استعمال کړي نو په مخدرو موادو د اخته شويو ماشومانو ميزان به په سلو کی ٩٥ ته ورسيږی ٠
دوهم ، پلرونه او ميندي بايد د خپلو اولادونو د کوچنيتوب څخه د مخدرو موادو په ضد لازم او ګټور معلومات ورکړي ٠ البته دوی بايد په ساده ژبه او د کاتون د فلم او ويديو په واسطه روزنه تر سره کړي ٠
دريم ، په مخدرو موادو اخته شوي اکثر معتادين لومړی په کنجکاوی سره مخدره مواد استعمالوی ٠ نو بايد پلرونه او ميندی د مخد
رو موادو ضرر اولادونو ته بيان کړي څو چی د ماشومانو کنجکاوی له منځه يووړل شی ٠
څلورم ، د ماشومانو د درس ويلو نه وروسته دوی بايد په نورو سلم لوبو بوخت شی څو چی دوی له مخدرو موادو څخه ځان لری وساتی ٠ پلرونه او ميندی بايد خپل اولادونه دی ته هم وهڅوی چی د واليبال ، فوټبال او د بايسيکل ځغلولو په شمول نورو سپورتی لوبو سره علاقه پيدا کړي او زيات ګټور کتابونه ولولی ٠
پلرونه او ميندی بايد د ماشومانو د همصنفانو او ملګړو په حالاتو ښه پوه شي ځکه چی ځينی کوچنيان د خپلو ملګرو په لمسون په مخدره موادو اخته کيږی ٠
که چيری کوم ماشومان مخدره مواد استعمال کړيدی ، نو پلرونه او ميندی بايد سمدلاسه خپل اولادونه د مخدرو مواو د ليری کولو لپاره روغتون ته بوځی ٠
