د سين هوا اژانس د خبر له مخی ، د می په ١٢ نيټه د افغانستان په مرکز کابل کښی د امريکې په ضد مظاهره وشوه چه څه نا څه زرو تنو زده کوونکو په لوړ اواز د امريکې په ضد نارې ووهلې او د امريکايی عسکرو پر هغو کړووړو باندی يی سخت پروتست څرګند کړ کوم چه دوی د قران کريم سپکاوی کړيدی او د افغانستان پروتست کوونکی يی ووژل٠
يوه کتونکی وويل چه د همدې ورځې سهار د کابل پوهنتون څه نا څه دری سوه تنه محصلين د خپل پوهنتون د دروازې په وړاندی راغونډ شول او په مظاهرې يی پيل وکړ٠ ورپسی د نورو پوهنځيو او ښوونځيو زده کوونکو هم په پر له پسی توګه د مظاهره کوونکو په صف کښی برخه واخيستله٠
د خبر له مخی، د قرام کريم سپکاوی کول د امريکايی عسکرو لخوا د ګوانتانامو په بنديخانه کښی مسلمانو بنديانو ته د سزا ورکولو له وسائلو څخه شميرل کيږی٠
د می له لسمې نيټې څخه د افغانستان زده کوونکو او خلکو د هيواد په بيلا بيلو ځايونو کښی د پروتست غږونه پورته کړيدی، خو د افغانستان حکومت تر اوسه پوری د امريکايی عسکرو د نوموړو کړووړو په باب هيڅ رويه نده څرګنده کړی ٠
