د سين هوا اژانس د خبر له مخی ، د افغانستان د موضوع په اړه د ملګرو ملتو د سرمنشی خاص استازی جان ارنولت د می په ٢٢ نيټه د اعلاميی په خپرولو سره په افغانستان کی د امريکايی عسکرو لخوا د بنديانو د ځورولو کړه وړه سخت وغندل او دا غوښتنه يی وکړه چه امريکايی ميشته فوځيان بايدد افغانستان د انسانی حقوقو د سازمان نظارت ومنی .
څو ورځی دمخه د امريکی د نيويارک تايمز ورځپاڼی د هغی پيښی په هکله تفصيلات نشر کړی دی کوم چه د ٢٠٠٢ کال د دسمبر په مياشت کی په بګرام کی د امريکايی فوځ په اډه کی دوه تنه افغانان د ځورول کيدو نه وروسته مړه شوی ؤ .
د افغانستان د اسلامی جمهوريت ولسمشر حامد کرزی په ٢١ نيټه نوموړی پيښه سخته وغندله او له امريکايی فوځ نه يی وغوښتل چه ټول افغان بنديان دی د افغانستان حکومت ته وسپاری .
