د سين هوا اژانس د خبر له مخی ، د برتانيی بی بی سی د سپټمبر په ١٣ نيټه د خپل خبريال سره د افغانستان د ولسمشر خامد کرزی د مرکی په باب تيلويزيونی ټيپ خپور کړ او په هغه کی کرزی له امريکی او بين المللی ټولنی څخه وغوښتل چه د ترهګری په ضد مبارزه کی خپل تاکتيک بيا تر غور لاندی ونيسی تر څو په افغانستان کی دايمی سوله رامنځ ته کړی شی .
د مرکی په ترڅ کی کرزی په خپل هيواد کی د امريکی د نظامی عملياتو له ناکامۍ څخه انکار وکړ ، خو په عين وخت کی يی په دی ټينګار وکړ چه بايد د ترهګرۍ د پيدايښت منبع له منځه يووړل شی او د ترهګرانو د روزلو اډې او ددوی تر شا ملاتړکوونکی دی ولټول شی . دغه راز حامد کرزی له دی سره مخالفت وکړ چه پاکستان د ترهګرۍ د منبع په توګه بلل کيږی . دا خبره يی هم رده کړه چه وايی پاکستان د ترهګرۍ په ضد مبارزه کی ټينګ عمليات نه دی نيولی .
