د سين هوا اژانس د خبر له مخی ، د چين د روغتيا وزير ګاو چيانګ د نوامبر په يوويشتمه نيټه په شانګهای کی د فرانسی د روغتيا او باهمی مرستی له وزير بيرتراند سره د کتنی په ترڅ کی وويل چه د چين حکومت اوس له هر راز مثبتو تدبيرونو په نيولو سره انسان ته د مرغانو د انفلونزا د سرايت مخه نيسی ترڅو د خلکو روغتيا او ژوند وساتل شی او ددوی عادی توليدی فعاليتونه او د ژوندانه نظم تامين کړی شی .
ښاغلی ګاو چيانګ وويل چه اوس په چين کی نوموړی ساری ناروغی تر جدی او دقيقی څارنی او کنترول لاندی راوستلی او له مرکزی حکومت نه تر محلاتو پوری ځانګړی ارګانونه جوړشوی دی . که چيری نوموړی ساری ناروغی وموندل شی ، نو سمدلاسه به ټولنی ته اعلان شی .
بيرتراند وويل ، د مرغانو د انفلونزا د وقايی او کنترول په بهير کی د چين تدبيرونه ډير کلک او هراړخيز دی .
سربيره پردی دواړو خواؤ په ګډه پريکړه وکړه چه د دواړو هيوادونو لخوا د مرغانو د انفلونزا د وقايی او کنترول په هکله د همکارۍ موافقتنامه ژر تر ژره لاسليک شی .
