د چين د بين المللی راډيو د خبريال د خبر له مخی ، په افغانستان کی امريکايی پوځ او حکومتی پوځ د اپريل په ٢٤ نيټه د طالبانو ٨ تنه وسله وال کسان ووژل .
امريکايی ځواک د روانې مياشتې په ٢٥ نيټه په خپله يوه اعلاميه کی څرګنده کړه چی په ٢٤ نيټه يی د هلمنډ ولايت د طالبانو پر يوه شکمن کمپ باندی د يو هوايی بريد په ترڅ کی دری تنه وسله وال کسان وژلی وو .
د افغانستان د يوه حکومتی چارواکی په وينا د قندهار شمال ته په اتيا کيلومترۍ کی د پوليسو يوه تاڼه د اپريل په ٢٤ نيټه ماښام د څه نا څه ٥٠ طالبانو له بريد سره مخامخه شوه او دغه نښته د دوهمی ورځې تر سهار وختی پوری روانه وه ، او په ترڅ کی يی د طالبانو ٥ غړی ووژل شول او يو پوليس هم شهيد شو .
