د سين هوا اژانس د خبر له مخی، د افغانستان پلازمينه کابل د اپريل په ٢٥ نېټه ماښام يو ځل بيا د توغنديو له يو بريد سره مخامخ شو چه له دې امله دوه تنه ښاريان ټپيان شول٠
د کابل يو پوليس د سين هوا اژانس خبريال ته وويل چه د همدې ورځې په ماښام په څه نا څه لسو بجو دوه توغندي د کابل د ښاری سيمې او هوايی ډګر ترمنځ پر سړک وچاودل٠ خبريال له نژدۍ وليدل چه د چاودنې ځای د نړيوال سوله ساتونکی پوځ له اډې څخه يو کيلومتر واټن هم نه لری٠ له چاودنې وروسته د سوله ساتونکی پوځ سرتېرو سمدلاسه دغه ځای کلابند کړ ٠
دا له يوې اوونې راهيسی پر کابل باندی د توغنديو دوهم بريد دی٠ د روانې مياشتې په نولسمه نېټه يو توغندی په افغانستان کښی د امريکې سفارت ته نژدۍ پر دولتی راډيو ولګيد چه يو پوليس پکښی ټپی شو٠
د روان کال له پيل راهيسی ، په افغانستان کښی امنيتی وضعه په پر له پسی توګه ناوړه شوې چه په ترڅ کښی يی د امريکې د پنځلسو تنو پوځيانو په ګډون نژدی دری سوه وګړي وژل شويدی٠
