ګرانو اوريدونکو ! السلام عليکم ! د چين د شينجيانګ د ويغوری قوم په خپلواکه سيمه کی د داواز په نامه يو ډول ورزش دود يا مروج دی او دغه ورزش ته سرکس هم ويل کيږی . د دغه ورزش د ستونزواو ځانګړتياو له امله د تورياليو ورزش هم ګڼل کيږی . ښاغلی عبدال رتی ميجون په دغه ورزش کی ډير لوی لاس لری چه له ځمکې نه د ٢٨ مترو په جګوالی په فولادی کيبل باندی يی په دوامداره توګه د ٣٨ ورځو په اوږدو کی ننداره او ژوند کړی دی . دغه راز هغه په بريالی توګه يو نړيوال ريکارډ هم ټينګ کړی دی . په نننی پروګرام کی به تاسو ته د ښاغلی عبدال په اړه څه معلومات وړاندی کړو !
٣٥ کلن ښاغلی عبدال ډير مهربان سړی دی او زمونږ له خبريال سره د کتنې په ترڅ کی يی د مقام په نامه يوه ويغوری سندره ويلی :
(موسيقی )
سرکس په شينجيانګ کی څه ناڅه د دريو زرو کلونو تاريخ لری خو د جګړو له امله اوس ډير لږ کسان دغه ورزش کولی شی . د نيکمرغۍ خبره دا ده چه په شينجيانګ کی يوې کورنۍ دغه ورزش نسل په نسل ساتلی دی . په دی وروستيو کلونو کی د شينجيانګ د اړوندو هنرمندانو د کوششونو له امله دغه عنعنوی ورزش يو ځل بيا له انرژۍ څخه ډک کيږی او نوی بڼه غوره کوی . د دغه ورزش جذبيت دا دی چه د سرکس لوبغاړی د ژغورنې کمربند د نشتوالی په حال کی په هوا کی پر سيم يا فولادی کيبل باندی ډول ډول نندارې ترسره کوی .
ښاغلی عبدال وويل چه د ماشومتوب په وخت کی يی له دغه توريالی ورزش سره
مينه درلوده . ده په ٧ کلنۍ کی له خپل پلار سره د سرکس يوه ننداره وکتله نو له هغه وخته يی دغه هوډ درلود چه په راتلونکی کی به د سرکس يو لوبغاړی شی .
کله چه هغه اوولس کلن وو په يوه هنری ډله کی يی د رسمی لوبغاړی په توګه کار پيل کړ . بيا وروسته د سرکس د يوه سپين ږيری لوبغاړی په مرستو ښاغلی عبدال د دغه ورزش په هکله زيات معلومات ترلاسه کړل . هغه غواړی دغه عنعنوی ورزش پرمختګ وکړی .
د دغې هېلې د تر سره کولو لپاره هغه زيات تمرينونه او نندارې کړي دي او د زياتو ستونزو په ګاللو سره يی هېڅکله له دغه ورزش څخه لاس نه دی اخيستی .
اوه کاله دمخه کله چه يوه ورځ ښاغلی عبدال په يو پارک کی د سرکس لوبه برسره کوله ، د بی پروايۍ له امله له هوا نه پر ځمکې ولوېد . د ډاکتر د بيړنی درملنې وروسته هغه يوځل بيا له مرګ څخه وژغورل شو خو ډاکتر ويلی چه هغه به د سرکس لوبه ترسره نشی کړای .
هغه نه غواړی خپل د سرکس کار پای ته ورسوی او په ټينګه سره يی دغه کار ته دوام ورکړی . هغه وايی :
( اواز )
په هغه وخت کی به زه په دی پوه شم کله چه زه سپين ږيری شم تقاعد به شم نو زه غواړم د تقاعد نه مخکی نړيوال ريکارد ټينګ کړی او زمونږ
هنری ډلې او چينی ملت لپاره څو برياليتوبونه ترلاسه کړيدی .
د خپلو هېلو د ترسره کولو لپاره هغه زيات کوششونه کړی او ډول ډول ستونزمن حرکتونه يی ترسره کيدی .
پروسږکال د شينجيانګ د ويغوری قوم د خپلواکې سيمې د جوړولو له پنځوسمې
کاليزې سره يی سمون درلود . ښاغلی عبدال خپل وطن ته يو ځانګړی سوغات وړاندی کړ . په دی اړه هغه وايی :
(اواز )
زمونږ د هنری ډلې په مرستو ما د اوو کلونو تياريانې کړی او اوه نړيوال ريکارډونه يی ټينګ کړی دی . دا زمونږ د خپلواکی سيمې د جوړولو د پنځوسمې کاليزې د نمانځلو لپاره يوه ځانګړی تحفه ګڼل کيږی .
ښاغلی عبدال په دوامداره توګه په ٣٨ ورځو کی له ځمکې نه د ٢٨ مترو په اوږدوالی فولادی کيبل باندی سندرې ويلې او نڅا کوله . د شپې به يی د کيبل په يوه کوچنی کوټه کی تفريح کوله .
که څه هم دغه ورزش خطرناک دی خو د ښاغلی عبدال لپاره د وياړنې وړ دی .
ګرانو اوريدونکو ! د پروګرام دغه کړۍ په همدی ځای پای ته ورسيده او ستاسی د غوږ نيولو مننه کوو !
