د چين د بين المللی راډيو د خبر له مخې، د چين د بهرنيو چارو وزارت وياند ليو جيان چاو د مې په دېرشمه نېټه په بېجينګ کې وويل چين د افغانستان ګډوډيو ته ډېره پاملرنه کوی او هيله لری وضعه يی ژر ارامه شی تر څو د دغه هېواد ثبات وساتل شی.
د مې په نهه ويشتمه نېټه د افغانستان په پلازمينه کابل کی ګډوډی رامنځته شوی چې پکی لس ګونه تنه مړه او ټپيان شول.
ليو جيان چاو وويل د چين حکومت په افغانستان کی د خپلو ارګانونو او کارکوونکو امنيت ته پام کوی. په دغه هېواد کی د چين سفارت د ناڅاپه پېښو په مقابل کی بېړنۍ کړنلاره غوره کړې. د چين د بهرنيو چارو وزارت هم د افغانستان له اړوندو ارګانونو څخه غوښتنه وکړه چې په دغه هېواد کی د چين د سفارت او اتباعو امنيت وساتی.
