د چين د بين المللی راډيو د خبرله مخی، د جون په اتمه نېټه د ناتو بلاک د غړيو هېوادونو د دفاع د وزيرانو په غونډه کښی چه په بروکسيل کښی جوړه شوه، افغانستان ته د نورو څه نا څه اووه زرو پوځيانو د ليږلو په هکله يو پلان تصويب شو٠
د دغه پلان له مخی، د جولای مياشتې تر پايه پوری به په افغانستان کښی د ناتو بلاک په مشرۍ د امنيت ساتلو د نړيوالو پوځيانو عمومی شمير له نهه زرو تنو څخه څه نا څه شپاړلس زرو تنو ته زيات شی او تر همدې وخت پوری به د ناتو بلاک سوله ساتونکی عمليات په هر اړخيزه توګه د افغانستان جنوبی برخې ته پراختيا ومومی چه هلته د طالبانو بريد کوونکی فعاليتونه ډير سخت دی ٠
د ناتو بلاک سرمنشی ياپ دی هوپ شيفير له نوموړی غونډې نه وروسته په يوه خبری غونډه کښی وويل چه په افغانستان کښی د سولې ساتلو راتلونکی دندې ډيرې درنې وی٠ هغه نړيوالې ټولنې ته بلنه ورکړه چه د افغانستان له بيا أبادۍ سره لا زياتې مرستې وکړی٠ دغه راز يې د افغانستان له حکومت څخه هم غوښتنه وکړه چه د فساد له منځه وړلو او د ادارې د ښه کولو لپاره واقعی تدبيرونه غوره کړی او د ټولنې د امنيت او ثبات د ټينګښت لپاره ګټورې زمينې برابرې کړی٠
