د سين هوا اژانس د خبر له مخی، په افغانستان کښی امريکايی پوځ د جون په ١٤ نېټه وويل چې په افغانستان کښی د امريکې په مشرۍ ګډ پوځ او د افغانستان حکومتی پوځ به په راتلونکی مياشت کښی د افغانستان په جنوب کښی د طالبانو پر وسله والو کسانو باندی نوی بريدونه وکړی٠
په افغانستان کښی د امريکا پوځ وياند په کابل کښی په يوه مطبوعاتی غونډه کښی وويل : دغه پوځی عمليات د افغانستان په جنوبی سيمو کښی د طالبانو د وسله والو کسانو د ځپلو لپاره دی چې د هغو له لارې به نه يوازی د طالبانو غړی له منځه يوړل او ونيول شی ، بلکه د افغانستان د حکومت لخوا پر دغو سيمو موثره واکمنی هم حاصله شی ٠
هغه وويل چې دغه پوځی عمليات به د څو مياشتو لپاره دوام وکړی ، خو هغه په عملياتو کښی د ګډون کوونکو پوځيانو شمير او د عملياتو د پيل وخت ندی څرګند کړی٠
