د چين د بين المللی راډيو دخبر له مخی،د چين د دولت رئيس هو جين تاو د جون په ١٩ نېټه په بېجينګ کې د افغانستان له ولسمشر حامد کرزی سره خبرې اترې وکړې. د واړو مشرانو د خپل منځيو اړيکيو د ټينګتيا، د ګډې علاقی وړ نړيوالو او سيمه ايزو مسئلو په اړه د نظريو تبادله وکړه.
هو جين تاو وويل د چين او افغانستان ترمنځ اړيکي يو نوې پړاو ته رسېدلي دی.دغه سفر به د دواړو هېوادونو ترمنځ پوهاوی ، دوستی او د همکاری اړيکې پياوړی کړي. حامد کرزی وويل د دواړو هېوادونو ترمنځ متقابل اعتبار او دوستی په پر له پسی ټينګه شوی ده او افغانستان د چين د اوږدې مودې له مرستو مننه کوی.
ولسمشر حامد کرزی د چين د دولت رئيس هو جين تاو په بلنه د جون په ١٨ نېټه په يو څلور ورځنی سفر بېجېنګ ته راورسېد. هغه به د شيګ جيانګ د ويغور خپلواکې سيمې ته هم سفر وکړي.
