د سين هوا اژانس د خبر له مخې، په افغانستان کې د امريکا په مشری ائتلافی پوځ د اګيست د نهه ويشتمې نېټې په شپه د يوې مطبوعاتی ابلاغيې په خپرولو سره وويل چې د روانې مياشتې په اته ويشتمه نېټه يی د افغانستان په جنوبی ولايت اورزګان کې اتلس تنه نا قانونه وسله وال کسان وژلي او دری تنه نور يی نيولي دي. په دغه مطبوعاتی ابلاغيه کې ويل شوي چې څه نا څه شپېته تنو نا قانونه وسله والو کسانو په اته ويشتمه نېټه په اورزګان ولايت کې د سپکو وسلو او راکيټونو په وسيلې پر ائتلافی پوځ بريد وکړ او ائتلافی پوځ سمدلاسه ور باندی ډزې وکړې. په دغه جګړه کې د ائتلافی پوځ ته هېڅ مرګ او ژوبله نه ده رامنځته شوی.