د سين هوا اژانس د خبر له مخی، په افغانستان کښی د ناتو بلاک پوځ د نومبر د ١٦ نېټې په ماښام د يوې اعلاميې په خپرولو سره وويل: دغه پوځ يوه ورځ مخکښی د افغانستان په جنوب کښی د ګزمې په ترڅ کښی په تيروتنی سره بی ګناه خلکو ته زيانونه ورسول چې په پايله کښی دوه تنه مړه او يو ماشوم ټپی شويدی٠
په اعلاميه کښی ويل شوی : کله چې د ناتو بلاک د پوځ د ګزمې يو کاروان د نومبر په ١٥ نېټه د هلمند ولايت په ګرشک سيمه کښی ګزمه کوله او يو کوچنی بس دوی ته مخامخ حرکت کاوه، پوځ له دغه بس څخه غوښتنه وکړه چې ودريږی ، خو بس لا هم روان و٠ د ناتو بلاک پوځ له ځان څخه د دفاع لپاره پر دغه بس باندی ډزې وکړې او دوه تنه بی ګناه سپرلۍ يې ووژل٠
په نوموړی اعلاميه کښی ويل شوی: د ناتو بلاک پوځ بی ګناه خلکو ته د تلفاتو رسولو له امله خواشينی څرګندوی او د دغې پيښې هراړخيزې او جدی څيړنې يې پيل کړيدی٠
