د سين هوا اژانس د خبر له مخی، د امنيتی چارو په اړه د امريکا د ولسمشر مشاور ستيفن هادلی د فبروری په يوويشتمه نېټه په بروکسيل کی د ناتو له غړيو هېوادونو څخه غوښتنه وکړه چی په افغانستان کی پوځی لګښت زيات کړي.
هادلی په همدې ورځ په بروکسيل کی د ناتو له مقر څخه ليدنه وکړه او د ناتو له سرمنشی جاپ ديهوپ سکيفير سره خبرې اترې وکړې. له خبرو اترو وروسته هادلی خبريالانو ته وويل که په افغانستان کی د ناتو پوځی عمليات ناکام شي، نه يوازی د افغانستان پر وضعې به ناوړه اغېزه وشي، بلکی د امريکا او اروپا امنيت به هم له ګواښ سره مخامخ وي.
