د چين په وروسته پاتی سيمو کې يو شمېر ناروغيو د سيمه ايزو وګړيو ژوند ته ستر ګواښونه رامنځ ته کړي دي .د کلی پروګرام په نننی پروګرام کې به د چين د چين های ولايت په کليوالو سيمو کې د دغو سترو ناروغيو د مخنيوی د تدبيرونو په هکله بحث وکړو.
د چين های د هوا لونګ د هوی قوم خپلواکی ولسوالۍ په عا وو پو جو کلی کې بزګر لی ماو چای د نری رنځ په ناروغۍ اخته شوې، خو د بی وزلۍ له امله په روغتون کې خپل علاج نه شی کولی . په وروستيو ورځو کې د دغې ولسوالۍ روغتون په وړيا توګه د ده درملنه کړې چې له امله بشپړه روغتيا يې په برخه کې شوې .
نری رنځ يوه ستره ناروغي ده چې د خلکو روغتيا ته ډير زيانونه رسوي. په کليوالو سيمو کې زيات بزګران او مالداران د دغې ناروغۍ د درملنې توان نه لري .له لسو کلونو راهيسی په دغې ناروغۍ د اخته شويو کسانو شمېر زيات شوی دی .په ٢٠٠١ کال کې د چين های ولايت حکومت د دغې ناروغۍ د مخنيوی د يو پلان په جوړولو سره پريکړه وکړه چې له ٢٠٠٢ کال څخه د دغه ولايت په ټولو سيمو کې په نری رنځ د اخته شويو کسانو لپاره د وړيا درملنه وکړي .
په همدی وخت کې د دغه ولايت چارواکيو د زياتو نورو ځانګړيو ناروغيو د مخنيوی لپاره تدبيرونه نيولی دی .د ساری ناروغيو د مخنيوی لپاره په دغه ولايت کې هغه ډول توالت جوړ شوي چې د کليوالو سيمو د چاپيريال ساتنې لپاره ګټور دي .
په وروستيو کلونو کې د چين های ولايت د روغتيا ادارې او اړوندو څانګو د دغه ډول توالت
جوړونه د نويو کليو او مالداری سيمو د أبادۍ او د بزګرانو لپاره يوه مهمه لاره چاره ګڼلې او د مرکزی حکومت د ماليې څانګې په أتکا يې د روغتيايی پروژو د تر سره کولو او د څښاکو اوبو د سرچينو او دغه ډول توالت د ښه والی لپاره څه د پاسه ٧ مليونه يوانه لګولي چې له امله يې تر اوسه پوری د دغه ډول توالت شمېر څلور لکو ته رسيدلی او دوه مليونه او څلور لکه او شپېته زره بزګرانو او مالدارانو د څښاک پاکو اوبو ته لاس رسی موندلی چې دغه شمېر په کليوالو سيمو کې د عمومی نفوس په سلو کې ٧٣ اعشاريه ١٥ برخه نيولی ده .د دغو تدبيرونو د پلی کولو له امله په ساری ناروغيو د اخته شويو کسانو شمېر هم کم شوی دی .
د چين های ولايت هم د ايدز ناروغۍ د مخنيوی لپاره اړونده تګلاره پلی کړې ده مثلأ په وړيا توګه يی د ناروغانو درملنه کړې چې عايدات يی لږ دی او دغه راز يې د ايدز په ناروغۍ د اخته شويو کسانو سره اړينه مرسته کړې ده .
د ځانګړيو ناروغيو د مخنيوی په اړه د اړوندو تدبيرونو د پلی کولو له امله د دغه ولايت په کليوالو سيمو کې پر بېلا بېلو ساری ناروغيو د اخته شويو کسانو شمېر په پر له پسی توګه کم شوی دی .د دغه ولايت د روغتيا اداری مرستيال شی شيو هوی وويل روان کال به د چين های ولايت د روغتيا اداری په دغه برخه کې د اړوندو تدبيرونو د بشپړتيا لپاره کوشش وکړي او په دی برخه کې به ١٤٠ مليونه يوانه ولګوي او باور لري چې د دغو کوششونو له امله به په دغه ولايت کې سترو ناروغيو مخنيوی په ښه توګه مخنيوی وشی .
