د سين هوا اژانس د خبر له مخې، هند او پاکستان د جولای په درېيمه نېټه د کورنيو چارو وزارتونو د سکريترانو په کچه په دوه ورځنيو خبرو اترو پيل وکړ. دواړه خواوې به د دغو خبرو اترو په ترڅ کې د ترهګرۍ پر ضد د مبارزې په شمول پر يو لړ مسئلو بحث وکړي.
د هند خبری رسنيو د خبر له مخې، په سرحدی سيمو کې د ترهګرۍ پر ضد د مبارزې، د نشه يی موادو د قاچاق د مخنيوي او يو د بل بنديانو خوشی کولو په شمول يو شمېر مسئلې به د دغو خبرو اترو عمده ټکي وي.
له خبرو اترو مخکی، د پاکستان د کورنيو چارو وزارت سکريتر سيد کمال شاه د دغو خبرو اترو په اړه خوشبينی څرګنده کړه. د هند د کورنيو چارو وزارت سکرتر مادهوکار ګوپتا وويل هيله لری چې دغه خبرې اترې به د هند او پاکستان ترمنځ د متقابل باور ميکانيزم په ټينګېدو کې ګټه ولری او د خپل منځيو سوله ايزو خبرو اترو لپاره يوه ښه زمينه برابره کړي.
