بېجينګ د چين د ولسی جمهوريت پايتخت ، د ټول هيواد سياسی او کلتوری مرکز دی او د چين د شپږو پخوانيو پلازمينونو څخه يو دی٠ په ١٩٨٢ کال کی د چين د دولتی شورا له خوا د هيواد د تاريخی او کلتوری مشهور ښار په حيث ټاکل شوی دی ٠
په ١٩٧٨کال کی د اصلاحاتو او ورخلاصون د پاليسی د تنفيذيدو نه راوروسته په چين کی د أسمان او مځکی په څير ستر بدلون منځ ته راغلی دی٠ بېجينګ د چين د پلازمينه په توګه د عصری ابادۍ په لاره کی ډير لوی ګامونه اخيستی او زياته ترقي يی کړې ده ٠ ويل کيږی چی د ټول ښار بڼه هره ورځ بدليږی ٠
اوس بېجينګ د چين د ټرافيک مرکز ، د درېل لار، د سړک او د هوايی ترانسپورت عمومی مرکز دی٠ د موټرنو، الکترونيکی ،کيميابی شيانو جوړولو صنايع د بېجينګ عمده صنايع دی٠
د بېجينګ صنايع د فولادو او اوسپنی ، کيمياوی صنعت اوخوراکی موادو څخه عبارت دي . د وروستيو کلونو راهيسی د الکترون او انفرميشن صنعت هم لوی پرمختګ ترلاسه کړی دی .
د کرنی په برخه کی د بېجينګ په شاوخوا کی په عمده توګه غنم ، شولی او جوار کرل کيږی اوس په بېجينګ کی عنعنوی کرنی په عصری کرنی بدليږی٠
بېجينګ د الوتکو ، اورګاډيو او موټرونو په وسيلې د چين ترانسپورټی محور بلل کيږی .
د بېجينګ د ابادی دپاره عمومی هدف دا دی چی په نړۍ کی د عصری
نړيوال ښار په توګه وګرځي ٠
د ملی بيرغ د پورته کيدو د مراسمو او د بېجينګ اوپرا ننداره کول، لوی ديوال ته ختل او د هيلی کباب خوړل بېجينګ ته د سياحانو څلور اصلی پروګرامونه دی٠
