د سين هوااژانس د خبر له مخې: د المان د بهرنيو چارو وزير فرانک والټر ستينمير د جولای په يوويشتمه نېټه ماښام په برلين کې د يوې لنډې اعلاميې په خپرولو سره د دې خبر پخلی وکړ چې په افغانستان کې يو تښتول شوی المانی کس د ستړيا له امله مړ شوی او يو بل يرغمل شوی المانی لا تر اوسه ژوندی دی.
نوموړي زياته کړه چې د المان حکومت د طالبانو له خوا د يرغملانو د وژلو د ګواښنې او تندلاری عمل غندنه کوي. هغه پر دې ټينګار وکړ چې د المان حکومت د يو بل يرغمل د ژغورنې لپاره کوشش کوي.
د طالبانو وياند د روانې مياشتی په يوويشتمه نېټه سټلايټ تليفون له لارې زياتو خبري رسنيو ته وويل له دې امله چې د المان حکومت له افغانستان څخه د خپلو ځواکونو له ايستلو څخه ډډه وکړه، نو دوی د همدې ورځ په غرمه دواړه المانی يرغملان ووژل.
