د سين هوا اژانس د خبر له مخې، د افغانستان د وسله والو طالبانو وياند قاری يوسف احمدی د جولای په نهه ويشتمه نېټه وويل د يرغملانو په اړه خبرو اترو کې د افغانستان حکومت او کوريا جمهوريت له خوا د صداقت نه شتوالي له امله دوی پرېکړه وکړه چې که د دېرشمې نېټې تر دوولسو بجو پوری د افغانستان حکومت د دوی له خوا وړاندی شوي شرطونه پوره نه کړي، نو دوی به بيا ځيني يرغملان ووژني.
د خبر له مخې په اړوندو خبرو اترو کې په همدې ورځ کوم پرمختګ و نه شو. له دې مخکې قاری يوسف احمدی يو ځل بيا دغه خبره تکرار کړه چې که د افغانستان حکومت بندي شوي طالبان خوشي نه کړي، نو خبرې اترې به ناکامې شي.
