د چين کمونست ګوند د نولس سوه يوويشتم کال د جولای په لومړی نيټه جوړ شو .
د چين کمونست ګوند د چين د کارګری طبقی ، د چين د خلکو اوچينی ملت مخکښه ده او د چين د ځانګړی سوسياليزم د ودانولو دداعيی د لارښوونی زړی دی . هغه د چين د پرمختللی توليدی ځواک د پرمختيايی غوښتنی ، د چين د مترقی فرهنګ د پرمختګ د لوری او دچين د ګڼ شمير وګړو د اساسی ګټو استازيتوب کوی . د چين د کمونست ګوند عالی ارمان او وروستی مرام د کمونيزم پلی کول دی .
د سوسياليزم په لمړنۍ موده کې د چين د کمونست ګوند بنسټيزه تګلاره ده : د هيواد د بيلابيلو قومونو وګړو لارښوونه او د هغو يووالی ، ټينګول دي چې د اقتصادی ابادۍ دمرکز په توګه پر څلورو اساسی اصولو او اصلاحاتو او ورخلاصون د ټينګارکولو له لارې د خپلواکو کوششونو له برکته د چين شتمنۍ ، دېموکراتيک او متمدن سوسياليستی عصری هيواد د ابادۍ لپاره کوشش وشی .
د چين کمونست ګوند مارکسيزم ، لينينزم ، ماو ځه دونګ افکار ، دنګ شياو پينګ تيوری او د دريو استازيتوبونو په نامه مهمه متکوره خپله عملياتی لارښونه ګڼی . مارکسيزم او لينينزم د بشر د ټولنې او تاريخ د پرمختګ قانون څرګندوی او عمومی اصول يی سم دي او سترحياتی قوت لری . د کمونيزم هغه عالی موخه او وروستی مرام يوازی د سوسياليستی ټولنې د پوره او کامل پرمختګ پربنسټ ترسره کيدای شی . د سوسياليستی نظام پرمختګ او بشپړتيا اوږد تاريخی بهير دی . د مارکسيزم او لينينزم پر اساسی اصولو په ټينګار سره له هغې لارې چې د چين د خلکو د خوښۍ او دولتی حالاتو سره سمون لری د چين سوسياليستی لارې چارې به هرومرو وروستی بری ومومی .
