د چين نړيوالې راډيو د خبر له مخې د چين د کمونست ګوند ١٧ م ملی کانګرس غونډه د اکتوبر په ١٥ نېټه په بيجينګ کې پرانستل شو. د چين په سياسی ډګر کې دغې مهمې پېښې ته په وروستيو ورځو کې کورنيو او بهرنيو خبری اژانسونو ډېره پاملرنه کړې ده.
د چين عمده ورځپاڼو د اکتوبر په ١٦ نېټه په خپلو لومړيو پاڼو کې د دغې غونډې اړوند خبرونه او د چين د کمونست ګوند د عمومی منشی هو جين تاو اړوندد راپور په اړه ليکنې خپرې کړې دي. بېلا بېلو خبری اژانسونو څرګنده کړې چې دغه راپور د چين د ځانګړيو سوسياليستی چارو سياسی اعلاميه او د عملياتو اصول دی او د خوښی وړ ټکي پکې څرګند شوي دی.
د تايوان بېلا بېلو خبری اژإنسونو د اکتوبر په ١٦ نېټه د دغې غونډې د پرانيستلو اړوند خبرونه ور کړي چې د دولت رئيس هو جين تاو په راپور کې د تايوان مسئلې په اړه څرګندونې ته زياته پاملرنه شوې ده.
دغه راز د هانکانګ او مکاو بېلا بېلو ورځپاڼو هم د اکتوبر په ١٦ نېټه هم د دغې غونډې پرانستنې او د دولت رئيس هو جين تاو د راپور په اړه رپوټونه خپاره کړي او څرګنده کړې يې ده چې په دغه راپور کې د چين د اصلاحاتو او ورخلاصون تګلارې د پيل له ٢٩ کلونو راهيسی تجربې راغونډې شوې چې د دغې تګلارې د دوام ټينګ هوډ څرګندونه کوي.
د سينګاپور، ماليزيا، اندونيزيا، هند او پاکستان په شمول د زياتو هېوادنو بېلا بېلو خبری اژانسونو هم د دغې غونډې په اړه خبرونه خپاره کړي دي.
