د چين نړيوالې راډيو د خبر له مخې، د چين د کمونست ګوند د اوولسم ملی کانګرس د مشرانو ډلې د اکتوبر په اوولسمه نېټه په بېجينګ کې د رئيس هو جين تاو په مشرۍ دوهمه غونډه تر سره کړه.
د دغه کانګرس سرمنشی ځنګ چينګ هونګ د چين د کمونست ګوند د اوولسمې مرکزی کمېټې د غړيو، نوماندانو او د انضباط د مرکزی کميسيون د غړيو نوماندانو د ليستونو په اړه معلومات ورکړل.
په دغه غونډه کې د ګوند د شپاړسمې مرکزی کمېټې د راپور، د انضباط د مرکزی کميسيون د کاری راپور او د چين د کمونست ګوند د منشور د تعديل پاڼې درې مسودې تصويب کړې او پرېکړه يې وکړه چې هر پلاوی د دغو دريو مسودو په اړه بحث وکړي.
