د چين نړيوالې راډيو دخبر له مخې ، د چين د کمونست ګوند د مرکزی کميټې د تشکيلاتو څانګې مرستيال اوو يانګ سونګ د روانې مياشتې په ١٧ نيټه په بيجينګ کې وويل چې په ٢٠٠٢ کال کې د چين د کمونست ګوند له شپاړسم ملی کانګرس راهيسی دغه ګوند د اصلاحاتو او نوښت له لارې ګوندی جوړونې ته دوام ورکړي او ستر برياليتوبونه يی ترلاسه کړی دی .
نوموړی دغه څرګندونې په همدی ورځ د چين د کمونست ګوند د اووه لسم ملی کانګرس د مطبوعاتی مرکز په يوه خبری ناسته کې وکړې . هغه وويل چې دغه ګوند له پنځوکلونو راهيسی د پرمختګ يو لړ علمی نظرونه او ستراتيژيک افکار وړاندی کړی ، د ګوند بنسټيز سازمانونه او غړی يی زيات او پياوړی کړی چې له مخې يی د ګوندی غړيو مخکښ رول پياوړی شوی او دغه راز په ګوند کې دېموکراسی پراخه شوې چې په ترڅ کې يی په علمی او دېموکراتيکه توګه پريکړه کولی شی .
