د سين هوا اژانس دخبر له مخې ، د چين د کمونست ګوند د اووه لسم ملی کانګرس د روانې مياشتې په ٢١ نيټه په بيجينګ کې پای ته ورسيد. د نړۍ يو شمير عمده خبری رسنيو په وخت د کانګرس د پای ته رسيدو خبر خپور کړ او د دغه ګوند د نوی مرکزی کميټې ټاکنې ، د انضباط د څارنې کميټې او د چين د کمونست ګوند د منشور د تعديلپاڼې د منلو پريکړې ته يی ډيره پاملرنه وکړه .
د جاپان د جي جي او کيودو اژانسونو په راپورونو کې ويل شوي چې د ګوند په منشور کې د علمی پرمختګ نظريې له يادونې څخه څرګنديږی چې چين د خلکو ژوند ته ډير اهميت ورکوي ، چين به د يوې هوسا ټولنې د ابادۍ لپاره کوشش ، د خپل اقتصاد دايمی او ثابت پرمختګ به وساتی ، د خلکو د عايداتو نابرابری به کمه کړي ، چاپيريال ساتنې او د خلکو ژوند ښه والی په برخه کې به څرګند ګامونه واخلی .
د کوريا جمهوريت يونهاپ اژانس وويل چې د دغه کانګرس په پريکړه کې د علمی پرمختګ نظريې ليکل د چين د کمونست ګوند په تاريخ کې يوه مهمه پېښه ګڼل کيږی .
