د سين هوا اژانس د خبر له مخې، په افغانستان کې د امريکا په مشرۍ ائتلافی ځواک د اکتوبر په اته ويشتمه نېټه وويل چې حکومتی پوځ او ائتلافی ځواکونو په اوويشتمه نېټه د افغانستان په جنوب کې له وسله والو طالبانو سره د يوې جګړې په ترڅ کې څه دپاسه اويا تنه طالبان ووژل.
د ائتلافی ځواکونو وياند کريس بېلچير وويل چې د افغانستان حکومتی پوځ او ائتلافی ځواکونو په اوويشتمه نېټه د دغه هېواد د هلمند ولايت د موسی کلا په ولسوالۍ کې د ګزمې پر وخت د وسله والو طالبانو له بريد سره مخامخ شول چې په ترڅ کې يې يوه جګړه ونښته. د دغې جګړې له امله د افغانستان حکومتی پوځ، ائتلافی ځواکونو او عامو وګړيو ته هېڅ مرګ ژوبله نه ده اوښتې.
