د چين نړيوالې راډيو د خبر له مخې، د افغانستان په شمالي ولايت بغلان کې د نومبر په شپږمه نېټه يوې درنې چاودنې په لسگونو خلک وژلي چې شپږ تنه پکې د ولسي جرگې غړي دي.
بريد د بورې جوړولو د يوې فابريکې په وړاندی شوی او د مرګ ژوبلې شمېر څه دپاسه سل تنو ته رسيدلی چې ډېر ماشومان هم پکی شامل دي.
د پېښې تفصيلات تر اوسه نه دي معلوم او چايې پړه هم پر غاړه نه ده اخيستې.
د م م سرمنشی بان کي مون وويل دا په وروستيو کلونو کې په افغانستان کې تر ټولو سخته چاودنه ده. ولسمشر حامد کرزي هم دغه بريد د اسلام او بشريت ضد د يو ترهگر عمل وګاڼه.
