د چين نړيوالې راډيو د خبر له مخې، د پاکستان د ټولټاکنې کمېټې د نومبر په څليرويشتمه نېټه د دغه خبر پخلی وکړ چې د دغه هېواد اوسنی ولسمشر پرويز مشرف د تېر اکتوبر په شپږمه نېټه د ولسمشرۍ په ټولټاکنو کې برياليتوب تر لاسه کړ او په راتلونکيو پنځو کلونو کې به د ولسمشر په توګه وټاکل شي.
د پاکستان د چارواکيو په وينا دغې کمېټې د ولسمشرۍ د ټولټاکنو پايله حکومت ته وړاندی کړی او حکومت به په رسمی توګه دغه خبر اعلان کړي.
د پاکستان سترې محکمې د روانې مياشتې په درويشتمه نېټه د ولسمشرۍ په ټولټاکنو کې د پرويز مشرف د ګډون صلاحيت منلی او په همدې مهال يې د دغه هېواد د ټولټاکنې له کمېټې څخه غوښتنه وکړه چې د دسمبر له لومړۍ نېټې مخکې د ولسمشرۍ د ټولټاکنو پايله خپره کړي. بر سيره پر دې، سترې محکې حکم ورکړ چې ښاغلی پرويز مشرف بايد د راتلونکي ولسمشر په توګه له لوړه کولو مخکې له خپلې پوځی دندې څخه استعفا وکړي.
