د لين شيا په ښار کې نور قومي خلک د باو ان قوم خلک دي او نيکه ګانو يې په مغولي قوم پورې اړه درلوده ٠، په اوولسمه پيړۍ کې د چين د چينګ هاي له ولايت څخه د ګان سو ولايت د لين شيا ښار ته ولاړل ، د باو ان قوم نارينه خپل قومي لباس اغوندي او په سور کمربند خپله ملا تړي او د باو ان په نامه توره له ځان سره ګرځوی ، د باو ان په نامه توره په شمال لويديځ چېن کې ډير شهرت لري ، پوښ يې هم ډير ښکلی ښکاري ٠
د لين شيا ښار د ګان سو ، چينګ هاي او سي چوان د دريو ولايتونو ترمنځ واقع دی ، يوه حاصلخيزه سيمه ده او خپل ځانګړی کلتوري او خاص ساختماني هنر لري ٠ په دغه سيمه کې يو ډول هنر چې پر خښتو باندې ښکلي تصويرونه حکاکي شوي دي په چين کې هم شهرت موندلی دی ، دا
ډول هنر په ميلادي لسمه پيړۍ کې رامنځته شوې و چې پر خښتو باندې راز راز په زړه پوري او ښکلي تصويرونه کښل کيږي ، ددغه
ځای د خښتو خام مواد خاص د دا سيا په نامه د سيند په غاړو کې يو ډول خاورې دي کله چې له دغو خاورو څخه خامې خښتې جوړې شوې نو هنرمندان ورباندې ښکلي ښکلې تصويرونه کاږي ، ددوې نه وروسته دغې خامې خښتې په بټۍ کې د اور په
وسيلی پخيږی ، ورپسي يوه يوه ښکلې خښته جوړيږی٠
د لين شيا په ښار کې دوه مليونه مسلمانان اوسيږي ، هغوي هره ورځ پنځه وخته لمونځونه اداکوي ، هر سهار د ښار په ګوټ ګوټ کې د أذان اواز اسمان ته پورته کيږي مسلمانان لومړي د سهار لمونځ ادا کوي ، او تر هغه وروسته په خپلو کارونو پسې ځي ٠
