د چينی او بهرنۍ موسيقۍ پروګرام په دغې کړۍکی به تاسو ته د چين د مشهور سندرغاړی جو جن شه له خوا ويل شوی بهرنۍ سندری وړاندی کړو٠ لومړی به موږ په ګډه د جو جن شه له خوا ويل شوی هغه سندره واورو چې نوم يی دی کليوال.
( سندره ١ )
دغه سندره د فرانسی د سندرو جوړونکی هيکتور برليوز له خوا جوړه شوی چې پکې يې د پسرلی ښکلی منظری بيان کړی دی .
جو جن شه په ١٩٦٢ کال کې د چين د جی لين ولايت په چانګ چون ښار کې زېږېدلې ده. هغې په ١٩٨٧ کال کې د تيان جين د موسيقی په پوهنځي کې زده کړې وکړې، تر فراغت وروسته په دغه پوهنځی کې د يوې ښوونکی په توګه وټاکل شوه او هغه مهال يې د چين د موسيقی له مشهور پوه ګوو شو جن څخه زده کړه وکړه چې له امله يی د سندرو ويلو سويه ډېره لوړه شوی ده٠ جو جن شه په ٢٠٠٣ کال کې د امريکا د ميچيګن په مرکزی پوهنتون کې زده کړې وکړې او د امريکا د موسيقی له څانګې څخه د ماسټری په کچه فارغه شوه .
( سندره ٢ )
ګرانو اورېدونکو، تاسو همدا اوس د المان د مشهور سندر جوړونکی جوهانيس براهمس له خوا جوړه شوی سندره واوريده چې نوم يې و زما زګېروی.
جو جن شه څو ځله د چين په تيان جين او بېجينګ ښارونو کې خپل ځانګړی کنسرټونه جوړ کړی او زيات شمېر اورېدونکي يې ورجلب کړيدي. د پروګرام په پای کې به موږ په
ګډه د جو جن شه له خوا ويل شوی يوه خوندوره سندره واورو چې نوم يې دی ښکلی او ارام ماښام .
( سندره ٣ )
ګرانو اوريدونکو، د خوندورو سندرو په اورېدو سره د چينی او بهرنۍ موسيقۍ پروګرام نننۍ کړۍ په همدي ځای پاي ته ورسېده ! روغ او خوشحاله اوسئ!
