د چين د نړيوالې راډيو د خبر له مخې، د چين د بهرنيو چارو وزير يانګ جيی چه د فبروری په اتلسمه نېټه په افغانستان کې د واورو د ناورين د پېښېدو په اړه د افغانستان د بهرنيو چارو د وزير دکتر رنګين دادفر سپنتا په نامه د خواخوږی تلګرام مخابره کړ.
په دغه تلګرام کې ويل شوي په وروستيو ورځو کې په افغانستان کې د واورو سخت ناورين رامنځته شوی چې وګړيو ته يې ډېره مرګ ژوبله او اقتصادي زيانونه اړولي دي. ښاغلي يانګ جيی چه په دغه تلګرام کې له ناورين ځپلو وګړيو سره هم خواخوږی او همدردي څرګنده کړه. پر دې سربيره، هغه هيله او باور هم څرګند کړ چې د افغانستان د ناورين ځپلو وګړيو ستونزې به ژر ليري او خپل کورونه به بيا ورغوي.
