د سين هوا اژانس د خبر له مخې، د پاکستان صدر اعظم يوسف رضا ګيلاني د جون په شلمه نېټه څرګنده کړه چې د پخوانۍ صدر اعظمې بينظير بوټو د يادونې لپاره د پاکستان د پلازمېنې اسلام أباد هوايی ډګر به د بينظير بوټو هوايي ډګر په نامه وبلل شي.
نوموړي وويل چې د جون يوويشتمه نېټه د مېرمنۍ بينظير بوټو د زېږېدنې ورځ ده، د دې د درناوي او د پاکستانيانو او د پاکستان د ديموکراسۍ بهير لپاره د دې د خدمتونو يادونې لپاره يې ياده شوې پرېکړه کړې ده.
مېرمن بينظير بوټو د تېر کال د دسمبر په اووه ويشتمه نېټه په راولپنډۍ ښار کې د يوې غونډې په ترڅ کې ووژل شوه.
بر سېره پر دې، صدر اعظم ګيلاني پرېکړه وکړه چې د راولپنډۍ عمومي روغتون د بينظير بوټو روغتون په نامه بدل شي او د دې د مړينې پر ځای هم يو څلی جوړ شي.
