د سين هوا اژانس د خبر له مخې، د امريکا د بهرنيو چارو وزيرې کوندوليزا رائيس د جون په نهه ويشتمه نېټه د سه چوان ولايت له زلزله ځپلو سيمو څخه خپله ليدنه پای ته ورسوله او د الوتکې په وسيلې بېجينګ ته وخوځېده. کوندوليزا رائيس له زلزلې سره د مقابلې په برخه کې د چين د حکومت او وګړيو د کوششونو لوړه ستاينه وکړه.
رائيس په څلور ساعته ليدنه کې له زلزله ځپلو وګړيو او طبي کارکوونکيو سره خبرې اترې وکړې. په ناورين ځپلو سيمو کې يې ماشومانو ته د کتابونه بسپنه هم وکړه.
په يوه خبرې غونډه کې يې وويل د چين په زلزله ځپلو سيمو کې د عادی ژوند او توليدي چارو د اعاده کېدو او د دغو سيمو د بيا أبادۍ سرعت ډېر چټک دی او له دې څخه يې د چينايانو ستره روحيه کتلې ده.
