د چين د نړيوالې راډيو د خبر له مخی، څرنګه چې د جاپان د منځنيو ښوونځيو د ټولنيز درس د زده کړې په نوی لارښوونکې توضيحاتنامه کې ليکل شوی چې د تاکيشيما ټاپو د جاپان خاوره ده چې دغه ټاپو د کوريا جمهوريت لخوا په دوکدو ټاپو ياديږی ، نو د کوريا جمهوريت پر جاپان باندی احتجاج وکړ٠ نو په دې مناسبت د جاپان صدراعظم ياسو فوکودا او د کابينې سرمنشی نوبوتاکا ماچيمورا د جولای په ١٤ نېټه له کوريا جمهوريت څخه غوښتنه وکړه چې سړه سينه وساتی٠
ياسوو فوکودا له خبريالانو سره د مرکې په بهير کی وويل : د جاپان او کوريا جمهوريت دواړه خواوې بايد د دريځونو له توپير څخه په تيريدو سره خپل منځی تفاهم پياوړی او ژور کړی ٠ هغه وويل : دا چې د خپل هېواد د تاريخ او خاورې په هکله ځانګړی نظر لری، يو طبيعی کار دی ٠
