موږ او اوريدونکی

قدرمنو اورېدونكيو سلامونه او نېكې هيلې مې ومنئ. زه خوشحال تايب يم تر دې وروسته به ستاسو سره د موږ او اورېدونكي پروګرام كې ملګرى يم او د دغه پروګرام اورېدو ته مو هركلى كوم، هيله ده چې د خپرونې تر پايه راسره پاتې شئ.

د جولای پنځلسمه نېټه د سی ار راډيو د پښتو خپرونې د پرانيستنې له پنځه ديرشمې کاليزې له ورځې سره برابره وه او زموږ ځينو اوريدونکيو په جلا جلا توګه د ټليفون له لارې موږ ته د مبارکې پيغامونه راليږي، له دې ډلې څخه اوريدونکی رفيع الله مندوخيل موږ ته څو پښتو کتابونه او يو ښکلی کتابچه ليږلي دي چې پکې يې د سی ار ای په اړه يې بيل بيل معلومات پکې راغونډ کړي. موږ د زړه له کومې له رفيع الله مندوخيل څخه ډېره ډېره مننه کوو. ګرانو اوريدونکو، لومړی به واورو چې د پښتو خپرونې پرانيستنې د پنځه ديرشمې کاليزې په اړه د رفيع الله مندوخيل څه وايي.

زه ډېر خوشحاله يم چې د پنځه دېرشو کلونو په بهير کې زموږ چينايي وروڼو او خويندو ددې خپرونې د لا غوره او ښايسته کولو لپاره ډېر زيار ايستلی دی او دې پروګرام ته يې د زړه وينې ورکړې دي ، او دغه ګلبڼ يې تل تازه او تاند ساتلي دی .

زه له ډېر پخوا راهيسې د سي ار ای پښتو خپرونې اورم ، او بايد يادونه وکړم چې زه نه يواځې د پښتو بلکې د انګليسي ، اردو ، عربي، فارسي ، روسي او هندي خپرونې اورم ، خو د پښتو خپرونې په هکله زه غواړم ووايم چې ډېر پرمختګ يې کړی دی ، که څه په لومړيو کلونو کې أسانتياوې دومره ډېرې نه وې ،لکه څومره چې اوس دي ، او له پخوانيو کلونو سره يې چې اوس پرتله کو په ريښتيا سره يې زيات پرمختګ کړی دی ، او اوس مهال د سي ار اي راډيو پښتو خپرونې په سلګونو زره او حتی ميليونونه اوريدونکي موندلي دي ، چې نه يواځې په افغانستان بلکې په پاکستان کې ميشت پښتانه او ډېر نوی اوريدونکي موندلي دي .

پر دې سربيره يو بل پرمختګ دادی چې پخوا اورېدونکيو يواځې د راډيو له لارې ستاسو خپرونې اورېدلې خو اوس نه يواځې د راييو بلکې د انترنت له لارې هم کولاي شي چې ستاسو خپرونې واوري ، او پر ليکونو سربېره تاسو ته بريښنا ليکونه هم درليږي . او يو بله خبر غواړم زياته کړم هغه دا چې ما بېلابېلې پښتو ويبپاڼې کتلي دي ، خو د سي أر ای پښتو ويبپاڼه ډېره غني او بډايه ده ، پدې کې ډېر مطلبونه رانغښتل شوي دي ، نو دا ټول د يادونې وړ پرمختګونه دي چې د پښتو په خپرونو کې ليدل کيږي ، چې زموږ چيني دوستانو پدې برخه کې يېر زيار ايستلی دی ، او خدمتونه يې تر سره کړي دي .

د چين د نړيوالې راډيو له خوا د پښتو هندارې په نوم د مجلې له چاپه را ايستل هم د يادولو وړ دي ، او دا خبر هم بايد وکړم چې په لومړيو ګڼو کې يې ځينې نيمګړتياوې موجودې وې ، خو اوس يې ټولې نيمګړتياوې له منځه تللي دي ، او د کميت له پلوه هم اوس د څلورو مخونو پر ځای په شپاړسو مخونو کې چاپيږي . او په دې هکله يو وړانديز هم لرم که د پښتو هندارې په مجله کې د اورېدونکو ليکونو ، عکسونو ، نيوکو او وړانديزونو ته ځای ورکړی نو دا به د اورېدونکيو د لا خوښۍ وړ وګرځي . هغه پښتو هندارې چې موږ ته را رسيږي زموږ د کلپ د غړو سربېره نورو دوستانو او اورېدونکو ته رسول کيږي ، لوستونکيو يې ډېره ستاينه کړې ده او له موږ څخه يې په وار وار د مجلو غوښتنه کړې ده ، نو دا ډېره ښايسته او په زړه پورې مجله ده .

ددې مجلې چلول يو ډېر ستونزمن او سخت کار دی خو زموږ چيني دوستانو دغو ټولو ستونزو ته غاړه ايښې او پرمخبيولو ته يې دوام ورکړی دی .

ستاسو ويبپاڼه ډېره غني ده خو د پښتو سندرو په برخه کې لږ څه نيمګړتياوې لري ، که پدې کې د پښتو سندرې لږ څه زياتې کړئ، نو دا به د اورېدونکيو ډېرې خوښې شي ، دغه راز د چيني ژبې په لوست کې هم ځينې نيمګړتيوې ليدل کيږي او هيله ده چې تاسو يې له منځه يوسئ .

پدې وروستيو کې تاسو د خپلې ويبپاڼې بڼه لا ښکلې بڼې ته بدله کړې ده ، خو هغه د اوريدونکيو د بريښنا ليکونو برخه اوسه نه ليدل کيږي ، که تاسو يو ځل بيا هغه برخه لومړي مخ ته راولئ ، نو ورسره به اورېدونيکو ته يو څه أسانتياوې برابرې شي .

نڅار احمدی احمدی هم د پښتو خپرونې د پرانيستنې د پنځه ديرشمې کاليزې په اړه يو پيغام ليکلی او په خپل وايي. زه نثار احـد احمدي د خراسان کلپ مشر د چين نړيوالې راډيو کارکونکيو او اورېدونيکو ته د اخلاص څخه ډک سلامونه او نيکې هيلې ډالۍ کوم . وروسته تر هغه د سي أر ای راييو د پنځه دېرش کلن خدمت له امله تاسو ټولو ته مبارکي وايم .

که ريښتيا ووايم سي أر ای راييو زما روح او بدن دی ، سي أر اي راييو په تېره پنځه دېرش کلنه موده کې د پام وړ خدمتونه ترسره کړي دي . چې دا د ټولې پښتونخوا او د لر اوبرو پښتنو لپاره د وياړ ځای دی .

د سي أر ای راډيو زياته برخه اوريدونکي ځوانان جوړوي ، چې ځوانانو اوس مهال يو ټاکونکی رول لري .

د سي أر ای راډيو بل پرمختګ دادی چې ورځ تر بله زيات شمېر اورېدونکي پيدا کوي او د پرمختګ په لور روانه ده .

د چين د نړيوالې راډيو د پښتو څانګې ټول کارکوونکي په روانه پښتو ژبه خبرې کوي چې دا هم د سي ار ای راډيو د برياليتوب يوه څرګنده بېلګه ده ، موږ پښتانه به هيڅکله ستاسو نه ستړي کيدونکي خدمتونه هېر نکړو ، او ستاسو څخه هيله لرم چې د پښتو څبې لپاره لا زيات خدمت وکړئ .

ستاسې ټولې خپرونې د ستاينې وړ دي او موږ يې د زړه په غوږونو او په ډېره مينه اوروو ، او ستاسو د راديو له له لارې موږ د چين د ثقافت، کلتور او دود دستور سره اشنا شولو ، ستاسو ټول پروګرامونه زموږ له پاره ډېر ګټور دي .

زه اورېدونکيو ته وايم چې د چين نړيواله راډيو د چين او د پښتنو اورېدونيکو ترمنځ د يو پل رول لوبوي نو بايد چې موږ په ښو ليکونو او مضمونونو ونازوو .

په پاي کې زه نثار احمد احـمدي د چين د نړيوالې راډيو د پنځه دېرشمې کليزې د رارسيدو په وياړ يو ځل بيا د څانګې ټولو کارکونکيو او اورېدونکيو ته مبارکي وايم او د لازياتو برياليتوبونو هيله ورته لرم .

ستاسو څخه ډېره مننه چې تاسو پښتو ژبې ته دومره خدمت کوئ ، پدې هيله چې تاسو په راتلونکي کې هم اورېدونکيو ته ښه ښه پروګرامونه وړاندې کړئ ، ستاسو له ښو خدمتونو څخه يو نړۍ مننه .

ستاسو ټول پروګرامونه په زړه پورې او جالب دي ، د سيلاني پروګرام او نور خو په ټولو کې مو د چيني ژبې لوست ما ته ډېر په زړه پورې دی ځکه تاسو اوس زموږ غوښتنه ومنله چې اوس په اونۍ کې څو څو ځله خپريږي .

زه هيله لرم چې تاسو د پښتو هندارې په راتلونکو ګڼو کې د چيني ژبې لوست زياته ونډه ورکړی ، زما په أند دا به د اورېدونکو له ښه هرکلي سره مخامخ شي او اورېدونکي به وکولای شي چې په أسانه توګه چيني ژبه زده کړي .

زه د پښتو هندارې په هکله دا وړانديز لرم چې په لنډه موده کې خپره شي او د کميت له پلوه لږ څه نوره پراخه شي او په راتلونکې کې يې حجم زيات کړئ ، د اورېدونکيو غوښتنې پکې ومنۍ ، د چين د کلتور په هکله څه ځيني مواد پکې خپاره کړئ ، چې موږ د چين د دودنو او عنعنو په اړه خبر شو او معلومات تر لاسه کړو . دغه راز که د اورېدونکيو دليکونو د هغوي د کلپونو ، عکسونه، شعرونه ، مضمونونه د هغوی وړانديزونه او نېوکې پکې خپرې کړئ .

موږ به تل تر تله ستاسو د راډيو اورېدونکيو اوسيږو .

د موږ او اوريدونکي پروګرام په همدې ځای پای ته رسېږي، که غواړئ دغه پروګرام او د اوونۍ په ترڅ کې خپرې شوی د بېلا بېلې خپرونې او نور پروګرامونه واورئ، نو پر انټرنېټ د پښتو خپرونې وېبپاڼه پرانيزئ او د خپلې خوښې پروګرام پکې ولولئ او هم يې واورئ او بېلا بېل معلومات تر لاسه کړئ.

هيله ده زموږ سره د خپلو نظرونو شريکولو او خپرونې په اړه د وړانديزونو لپاره زموږ د برېښنا ليک په دې پته تماس ونيسئ pushtu@chinabroadcast.cn او که غواړئ چې د ليک له لارې زموږ سره تماس ونيسئ، نو کولی شئ چې په اسلام أباد کې زموږ په دې پته ليکونه راواستوئ.