د سينهوا اژانس د خبر له مخې، د روسيې د بهرنيو چارو وزارت د ډسمبر په شلمه نېټه اعلان وکړ، چې د جرمني د سفارت دوه کارکوونکي يې "نامطلوبه کسان" بللي دي. روسيه وايي، چې دغه کړنه يې د جرمني د حکومت اړوند غېر عادلانه پريکړې ته په ځواب کې کړې ده.

د روسيې خبري رسنيو خبر ورکړی، چې د جرمني د برلين يوې محکمې د ډسمبر په ۱۵مه نېټه د ګرجستاني وګړي هانګوشويلي د وژل کېدو په تړاو قضاوت کړی او يو روسی يې تورن او په عمري بند محکوم کړی دی. يادې محکمې ويلي، چې د روسيې استخبارات هم په دغې پېښې کې لاس لري. د جرمني د بهرنيو چارو وزارت په همدغه ورځ اعلان وکړ، چې په دغه هېواد کې د روسيې د سفارت دوه کارکوونکي يې "ناخوښيدونکي خلک" پېژندلي دي.