د چين د بهرنيو چارو  وزارت وياند جاو لي جيان د ډسمبر په ۲۰مه نېټه په يوه نوبتي مطبوعاتي غونډه کې  وويل، چې چين د اقليمي بدلون پر وړاندې د مقاومت په عملياتو کې د امريکا د ګډون  هرکلی کوي او له اړوندو خواوو سره به د امريکا کړنې وڅاري، څو له اقليمي بدلون سره د مقاومت واقعي  اقدامات غوره کړي.

د مالوماتو له مخې، د  امريکا د ولسمشر د ملي امنيت سلاکار جاک سوليوان په دې  وروستيو کې ويلي، چې د بايډن حکومت به د اقليمي بدلون پر وړاندې د مبارزې لوی هدف وټاکي او ويلي یې دي، چې چين هم بايد ښه اغېزمن پلان جوړ  کړي.

جاو لي جيان د سوليوان  د دغو خبرو په اړه وويل،  چې امريکا دې د شنو ګازو د تر نورو لوی  خپروونکي په توګه په پاريس تړون کې بيا  ګډون یو ښه فرصت وبولي او  د نړيوال باور د بيا  تر لاسه کولو لپاره  دې واقعي اقدامات غوره کړي. (شکريه)