د سين هوا اژانس د خبر له مخې، د امريکا او ترکيې ولسمشرانو جوبايډن او رجب طيب اردوګان د جون په ۱۴مه نېټه په بروکسيل کې ملاقات وکړ او دواړو خواوو دغه ملاقات بريالی وباله. خو دوی د دواړو هېوادونو د اړيکو د ښه والي په هکله هېڅ مشخص تدبيرونه په ډاګه نه کړل.
د ناټو سرمشريزه غونډه په همدې ورځ په بروکسيل کې ترسره شوه او د دې غونډې په ترڅ کې اردوګان او جوبايډن سره ملاقات وکړ. دا د امريکا د ولسمشر په توګه د جوبايډن تر لوړې وروسته د دواړو مشرانو ترمنځ د لومړي ځل ملاقات دی.
جوبايډن تر ملاقات وروسته په يوه خبري ناسته کې وويل، چې د ده او اردوګان ترمنځ ملاقات بريالی و، دوی د ځينو مسئلو په اړه مشخص بحثونه کړي دي.
اردوګان ويلي چې د ترکيې او امريکا ترمنځ نه حلېدونکې ستونزه نه شته. دواړو خواوو موافقه وکړه چې بايد د دواړو هېوادونو د خبرو اترو اغېزمنه لاره وکاروي. (هيله)