د شانګهای همکارۍ سازمان د جوړېدو شلمه کليزه د جون په ۱۵مه نېټه په بېجينګ کې ولمانځل شوه او دغه سازمان په همدې تړاو ځانګړې ميلمستيا تر سره کړه او د چين د دولتي شورا غړي او د بهرنيو چارو وزير وانګ يي پکې ويډيويي وينا وکړه.
وانګ يي خپلو خبرو کې څرګنده کړه چې دغه سازمان بايد په نوي تاريخي پيل کې د زماني تمايل له مخې کارونه تر سره کړي، ګډې دندې دې پر غاړه واخلي او د نړۍ د سولې او پرمختګ لپاره دې لا زيات خدمتونه تر سره کړي.هغه په دې هکله څلور فقره اييز وړانديز وکړ:
لومړۍ: شانګهای همکارۍ سازمان بايد د ګډ برخليک ټولنې د جوړولو نوې نمونه جوړه کړي.
دويم: دغه زاسمان دې د همکاريو له لارې د ګډو ګټو شريکولو نوی انجن پياوړی کړي، په يووالي سره دې له کرونا وبا سره ټينګه مبارزه وکړي او د روغتيا ساتلو ګډه ټولنه دې جوړه کړي.
درېيم: د دغه سازمان غړي هيوادونه دې د تمدنونو د شريکولو نوې پاڼه پرانيزي. د فرهنګ او کولتور باور دې پياوړی کړي، د مختلفو تمدنونو تر منځ د تګ راتګ لارښوونکی رول دې ولوبوي.
څلورم: دغه سازمان دې د نړيوالې ادارې نوې دنده پر غاړه واخلي.