د امريکا د سپينې ماڼۍ وياندې جين ساکي د جولای په ۱۲ مه نېټه په مطبوعاتي غونډه کې وويل، چې امريکا د هایتي غوښتنه تر نظر لاندې نيولې او ښايي دغه هېواد ته ځواکونه وليږي.
د امریکا ولسمشر جوبايډن په همدې ورځ په سپينې ماڼۍ کې خبري رسنيو ته وويل، چې د هایتي مشران بايد يوموټی شي او امريکا د دغه هېواد وضعيت ته پاملرنه کوي او له دغه هېواد سره مرسته کولی شي.
د روانې مياشتې د اوومې نېټې په سهار وختي د هایتي ولسمشر مويس د نامعلومو وسله والو لخوا ووژل شو . د دغه هېواد پوليسو ويلي چې يوه ۲۸ کسيزه وسله واله ډله ښايي په دغه پېښه کې لاس ولري، چې ۲ يې امریکايان او ۲۶ يې کلمبيايان دي.
د هایتي حکومت له امریکا او ملګرو ملتونو څخه دغه هېواد ته د ځواکونو د ليږلو غوښتنه کړې، څو مهم بنسټيز تاسيسات يې خوندي او کورنی وضعيت يې ثابت وساتل شي.