د بيولوژيکي وسلو د ممنوعيت تړون په اړه غونډه د اګست په ۳۰مه نېټه تر سره شوه، د چين د بهرنيو چارو وزارت وياند وانګ ون بين په همدې ورځ په يوه نوبتي خبري ناسته کې په دې اړه وويل، چين په دې اند دی، چې نړيواله ټولنه دې د ياد تړون تر چوکاټ لاندې د بيولوژيکو وسلو د څار يو څو اړخيز ميکانيزم جوړ کړي او دا د دې تړون د مراعات او د بېلا بېلو هېوادونو تر منځ د متقابل اعتماد د ساتنې تر نورو اغېزمنه لار ده.
نوموړي وويل، واقعيتونه دا ثابتوي، چې امريکا د نورو هېوادونو په پرتله ډېر زيات بيولوژيکي پوځي عمليات تر سره کړي دي. امريکا په ۲۰۰۱م کال کې په يو اړخيز ډول د دې تړون د خبرو اترو له بهير څخه ووتله چې په پايله کې يې دغه تړون ناکام شوی دی. (شکريه)