د امريکا د مرکزي قوماندانۍ قوماندان مکنزي د سپټمبر په ۱۷مه نېټه دا ومنله، چې امريکايي ځواکونو د اګېسټ پر ۲۹مه پر کابل په هوايي بريد کې ترهګر نه ، بلکې د ۷ ماشومانو په شمول يې ۱۰ عام وګړي وژلي دي. نوموړي د دې پېښې په اړه خفګان څرګند او بخښنه یې وغوښته. نوموړي زیاته کړه، چې هغه به د یادې پېښې پوره مسئوليت پر غاړه واخلي.
د چين ميډيا ګروپ خبريال د سپټمبر پر ۱۸مه د پېښې ځای ته ولاړ. په دې پېښه کې د وژل شوي زمري احمدي ورور، لمر احمدي له څو تنو خپلوانو سره او د دوی ګاونډي مصور رحماني د پېښې په ځای کې د چين ميډيا ګروپ له خبريال سره مرکه وکړه.
د زمري وراره مسعود احمدي په غوسه وويل هغوی، چې دومره سخته غلطي کړې، د "بخښنې" په پلمه د قانون له منګلو څخه نه شي خلاصېدلای.
د پېښې په ځای کې اخيستل شوي عکسونه