چین هيله ده امريکا د نړيوالې ټولنې د ګډ پرمختګ او سمسورتيا لپاره عملي ګامونه پورته کړي
cri2021-11-10 14:27:08
شريکول:

د چین د بهرنیو چارو وزارت ویاند وانګ ون بین د نومبر په ۹مه نېټه په یوه خبري ناسته کې هيله وښوده چې امريکا به د بېلا بېلو هېوادونو د ګډ پرمختګ او سمسورتیا لپاره عملي تدبيرونه ونيسي. 

د مالوماتو له مخې، واشنګټن پلان لري چې د راتلونکي کال له جنورۍ څخه په ګردې نړۍ کې د بنسټيزو تاسيساتو په برخه کې د پانګو او سرمایو د راغونډولو پلان تطبيق کړي او د چین د یو کمربند او یوې لارې پر وړاندې مقابله وکړي. 

ښاغلي وانګ ون بين په دې اړه وويل، چې د چین د یو کمربند او یوې لارې وړانديز د تطبيق له ۸ کلونو راهيسې تل پر ګډې مشورې، جوړونې او شريکونې ټينګار شوی او د دغه وړانديز د ګډون کوونکو هېوادونو خلکو ته ډېرې ګټې رسېدلي دي. په عین وخت کې په يادې مودې کې یو لړ همکاريزې پروژې هم عملي شوي او د اړوندو هېوادونو ترمنځ تبادلې او همکارۍ نورې هم پياوړې شوې دي. اوس یو کمربند او یوه لاره د نړیوالې ټولنې یوه عامه ګټه او د نړيوالو همکاريو تر ټولو لویه صحنه ګرځېدلې ده. (هيله)