پروجېکټ سينډيکېټ ويبسايټ د نومبر په ۱۵مه نېټه د (( د اقليمي بدلون په اړه د پرمختللو هېوادونو رياکارانه بڼې )) په نوم يوه ليکنه خپره کړې ده.
په ياده ليکنه کې راغلي، سره له دې چې د اقليمي بدلون په اړه د ملګرو ملتونو په ۲۶مه غونډه کې د پرمختللو هېوادونو مشرانو په خپله وينا کې دا ومنله، چې د اقليمي بدلون مسئله ډېره سخته او بېړنۍ ده، خو اکثريت يې يوازې غواړي لنډمهالې ګټې تر لاسه کړي او له خپلو ژمنو سره سم يې مثبتې کړنې نه دي تر سره کړي.
په دې ليکنه کې دا هم ويل شوي، چې د ملګرو ملتونو په ياده غونډه کې د ډېرو لويديځو هېوادونو د مشرانو ګډه اعلاميه د دوی له واقعي پاليسۍ او کړنو سره په ټکر کې ده او له يادو کړنو څخه يې د اقليمي بدلون په چارو کې رياکارانه بڼه څرګندېږي.