د سينهوا اژانس د خبر له مخې، روغتيا نړيوال سازمان د جنورۍ په ۵مه نېټه د تازه شمېرې په خپرولو سره ويلي، چې د منځنۍ اروپا پر وخت د همدې ورځې د ماسپيښين تر ۴ بجو او ۵۳ دقيقو پورې، په ګرده نړۍ کې په کرونا وبا د اخته کسانو شمېر د تېرې ورځې په نسبت ۲ ميليونه ۲۹۴ زره او ۳۹ زيات شوی چې عمومي شمېر يې ۲۹۳ ميليونه ۷۵۰ زره او ۶۹۲ ته رسېدلی دی. په همدې مودې کې د دې وبا له امله د مړينې شمېر د تېرې ورځې په مقايسه ۷ زره او ۱۱ زيات و او عمومي شمېر يې ۵ ميليونه ۴۵۴ زره او ۱۳۱ ته رسېدلی دی. (شکريه)