د چين د بهرنيو چارو وزارت وياند جاو لي جيان د جنورۍ په ۱۸مه نېټه په يوه نوبتي مطبوعاتي غونډه کې يو ځل بيا د امريکا د عدليې وزارت له لوري خپور شوی د چين ضد تش په نوم عملياتي پلان وغانده او ويې ويل، چې امريکا بايد خپلو ناسمو کړنو ته د پای ټکی کيږدي، چين ته دې د دښمن په سترګه نه ګوري، بې اساسه تورونه دې پرې نه لګوي او د ټکنالوژۍ او کولتوري چارو په اړه د دواړو هېوادونو عادي همکارۍ دې نه ويجاړوي.

د معلوماتو له مخې، د امريکا څارنوالان پلان لري، چې د ماساجوسيټ ټکنالوژۍ انسټيټوټ پر چيني پروفیسور چن ګانګ لګيدلی اتهام لغوه کړي. دوی تېر کال هم لږ تر لږه ۸ ورته اتهامونه لغوه اعلان کړي دي.
د امريکايي پوهنتونونو ۲۰۰۰ کارپوهانو د دغه هېواد عدليې وزير ته پيغام لیږلی او د چين پر وړاندې د امريکې له عملياتي پلان سره يې مخالفت څرګند کړی دی.
د يالي (Yale) پوهنتون ۱۹۲ پروفيسورانو د امريکې عدليې وزير ته په پيغام کې ويلي، چې د چين ضد عملياتي پلان اساسي نيګمړتياوې لري.
د اسيا الاصله امريکايانو څه باندې ۲۰ ټولنو ولسمشر بايډين ته پيغام ليږلی او د ياد پلان د لغوه کولو غوښتنه يې ترې کړې ده.
د چين الاصله امريکايانو ټولنې د عدليې وزارت د دروازې په وړاندې لاريون ترسره کړی او له ياد وزارت يې غوښتنه کړې، چې سمدلاسه ياد پلان لغوه کړي. (شکريه)