د سينهوا اژانس د خبر له مخې، د ملګرو ملتونو سرمنشي انتونيو ګوټريس د جنورۍ په ۲۱مه نېټه د م.م عمومي اسمبلې ته د ۲۰۲۲م کال مهمو کارونو د اعلانولو پر مهال ، د نړيوال وضعيت په اړه پنځه خبرداري ورکړل، چې کرونا وبا، د نړيوالو پولي چارو د اداري سيستم نيمګړتيا، اقليمي بدلون، له نوي تېکنالوژۍ څخه ناوړه استفاده او وسله والې شخړې دي.
د نوموړي په اند، ياد پنځه خبرداري د نړيوالې ادارې د ناکامۍ له امله دي. د کرونا وبا ضد د واکسین برابر وېش، د نړیوالو پولي چارو د اداري سیستم اصلاحات، د اقليمي بدلون ضد د تدبيرونو نيول، د خلکو د ګټو لپاره د نوې تېکنالوژۍ د کارولو د سيستم جوړول، د وسله والو شخړو له منځه وړل او د سولې رامنځته کول، ډېر مهم دي.
ګوټريس وويل، چې ګرده نړۍ بايد اضطراري بڼه غوره کړي او ټول هېوادونه بايد د دغو ستونزو د ليري کولو لپاره تدبيرونه ونيسي.